Вирустун андан ары жайылышын болтурбоо үчүн, ДССУнун сунуштарына ылайык, калктын кеминде 70% эмдөөдөн өтүшү керек. Ошентип, «жамааттык иммунитет» жетишилет, анда эмдөөгө каршы көрсөтмөсү бар эмделбеген адамдар айланасындагы эмдөөдөн өткөн адамдардын негизинде корголот. Бул тууралуу Республикалык штабдан билдиришти.
Берилген маалыматка ылайык, вирус популяцияда кеңири тараганда жана көптөгөн инфекцияларды пайда кылганда, вирустун мутацияга кабылуу ыктымалдыгы жогорулайт. Бардык вирустар, анын ичинде SARS-CoV-2, убакыттын өтүшү менен эволюцияга учурайт. Вирус көбөйгөндө же өзүнүн көчүрмөсүн түзгөндө, анын касиеттери өзгөрөт жана жаңы штаммдар көбүрөөк коркунуч туудурушу мүмкүн — мисалы, адамдан адамга оңой жугушу же андан да оор ооруну пайда кылуу. Учурда аныкталган COVID-19дун жаңы варианттары — Альфа, Бета, Гамма, Дельта, Омикрон глобалдык коомдук саламаттык үчүн жогорку тобокелдиктин булагы болуп калды.
Ошондуктан, эмдөөлөрдү улантуу жана жаңы варианттардан болушунча глобалдык коргоону жана жугузуу коркунучун азайтуу үчүн жогорку тобокелдик топторун кеңири эмдөөгө артыкчылык берүү зарыл.
Ар кандай өнөкөт оору эмдөө үчүн көрсөткүч болуп саналат. Эмдөө туруктуу абалда, оору курчуп кетпеген учурда жүргүзүлүшү керек.
Вакцинадан алынган адамдын иммундук коргоосу убакыттын өтүшү менен начарлайт, ошондуктан ДССУ 60 жаштан ашкан жана иммунитети начар адамдар үчүн COVID-19 вакцинасынын күчөтүлгөн (бустердик) дозасын алууну сунуштайт.
ЭМДӨӨДӨН ӨТҮҢҮЗДӨР!
Чолпонай ТУРДАКУНОВА